PM Xanana Gusmão Apresia Ba Media Nasional Partilha Informasaun Edukativu

Lidun News-Díli — Primeiru-Ministru (PM) Kay Rala Xanana Gusmão enkoraja média nasionál no jornalista sira ne’ebe esforsu tomak hodi partilha informasunneduktaivu ba publiku Liu husi visita sua santidade papa Francisco nian iha Tmor-Leste iha loron 09 to 11 Fulan Septembru tinan 2024 foin lalais ne’e.

Xefe Governu ne’e informa, Imprensa laos deit atu fó informasaun maibé, imprensa buka kria, hametin hanoin hodi influensia sosiedade bele hadia sira nia komportamentu nu’udar sidadaun ida ne’ebe intelektuias hodi garantia substentabilidade maske mosu diverzensia no kontradisoens politika oi-oin iha sosiedade nia le’et.

“Jornalista tenki loke imi nia hanoin ba mundu hodi foti buat ruma husi mundu mai iha ne’e, imi tenki sai matenek liutan, hametin hanoin hodi influensia sosiedade bele hadia sira nia komportamentu nu’udar sidadaun” Dehan PM Xanana Gusmão liu husi nia diskursu, hafoin partisipa iha serimónia meet the press no atribuisaun sertifikadu apresiasaun ba média nasionál sira iha salaun CNE laline larigutu, Sabadu, (05/10/2024)

Primeiru-Ministru Xanana akresenta, média laos atu lori deit notisia diak ba mundu no husi mundu mai povu Timor-Leste, maibé lori notisia ne’ebe bele eduka no influensia sosiedade Timorense kompriende diversidade oin-oin iha aspetu imprensa.

“Kona-ba funu foka ba paz, ita nia sosiedade hodi ita bele kompara ho aspetu oin-oin, Ita nian sai fali media uma laran, lori Timor ba mundu no lori mundu mai ita nia leet para ita bele senti katak ita halo buat ruma klaru, selae ita haree deit mak ita nia sepatu”. Nia husu

Xefe Governu argumenta katak, imprensa tenki halo analiza ba asuntu kobertura, foku ba objetivu prinsipal sira ne’ebe sai tarjetu ba informasaun públiku, ho nune’e ho kbi’it ne’ebe média sira iha, bele produs informasaun ne’ebé los no edukativa.

“Imi tenki hadia an nafatin, maibé iha konstrusaun nasaun, ita tenki dudu ita nia setor privadu, ho kbiit ne’ebe ita boot sira analiza, investiga, haree ba mundu no mundu bele haree ba ita, imi bele produs informasaun ne’ebé los no edukativa hodi hadia liután sidadania, problema bo’ot ida iha mundu mak notisias falsas, problema ida ne’ebe sai espalhada mak defende parte balun hodi lansa informasaun akuzativu, provokativu, kria divizinismu iha sosiedade nia laran”. Tenik PM Xanana.

Iha Timor-Leste notisia balun la edukativa, la fó valor imprensa ba sosiedade hodi hanorin sosiedade atu hametin paz, unidade no haree ba dezenvolvimentu, Média tenki iha konsiensia katak iha sosiedade ida nia laran.

Ekipa kobertura : Lidun News