LABARIK NAIN RUAMATE IHA BAK LARAN IHA SUKU SUAI LORO ALDEIA SUKABILAN

Lidun News:Covalima, Segunda, (29/10/24), Familia hetan Labarik na’in rua, Feto ida, Mane ida, Jenila Solonitha Jordão Gusmão tinan 7 no Giovanio Jordão Gusmão tinan 6 mate iha tanki laran, iha Suku Suai Loro, Aldeia Sukabi Laran, Postu Administrativu Suai Munisipiu Covalima.
Ko’alia ba Jornalista sira, Komandante PNTL Munisipiu Covalima, Superintendente Polisia Calisto Gonzaga informa hori kalan hale’u tuku 10 atu tama on aba tuku 11 kalan familia ida husi Aldeia Sukabi Laran informa ba polisia katak iha insidente ida ne’ebé maka rezulta labaraik ki’ik nai rua mout iha tanki be laran.
‘’lnformasaun ne’e afirmativu duni hori kalan por volta de 10-11 oras hanesan ne’e familia ida ne’ebé mak hela iha aldeia sukabi laran, suku suai loro postu suai nian informa mai polisia katak iha insidente ida ne’ebé maka rezulta ki’ik oan nai rua feto ida mane ida depois iha bak laran no bak ida ne’ebé mak prepara supa be’e nia iha laran depois ita tenta to’ok ba iha ne’eba depois ita hare los duni iha feto ida no iha mane ida ne’ebé mak sira konsege hasai iha uma laran depois ita halo jestaun itoan iha fatin akontesementu agora vitima na’in rua hori kalan ita evakua mai iha ospital ohin ita komunika ministeriu publiku para atu bele, halo promosaun ba otopsia, pelu menus reforsa hela nia prosesu delizensia, iha oin mai oinsa mak ita bele identifika katak isidente ne’e isidente natureza ne’ebé mak sira mout duni ka ou iha krimi seluk antes labarik na’in rua ne’e mout” Informa Komandante PNTL Covalima, Superintendente Polisia Calisto Gonzaga.
Mediku iha sala emerjensia opistal referral suai, Agusto Adelaide Pereira mos relata katak molok familia lori Jenilda Jordão Gusmão no Giovanio Jordão Gusmão iha ospital suai maibe labarik na’in rua hakotu is liu ona oras ida ou rua iha uma.
“Antes tama ba halo ezaminasaun ha’u simu kazu ne’e iha 12 meia pasiente mai, maibe pasiente na’in rua ne’e mai mos la mai iha emerjensia ambulansia tula lansung hodi ba iha mortuariu ne’eba entaun husi parte medis nian ha’u sempat ba hare duni pasiente na’in rua ne’e, maibe pasiente na’in rua ne’e mai ho kindisaun iis la iha ona, ne’e sinifitais mamuk ona artinya mate ona mai ho kondisaun, entaun iha momentu ne’eba ha’u hare pasiente ne’e ninia isin ne’e metan hotu ona, isin tos hotu ona kabun sira ne’e mos bubu hotu ona, ne’e hatudu katak mate ona tanba liu ona oras ida ho rua ne’ebé wainhira to’o iha ne’e halo ezaminasaun ulun to’o ain hare nia matan nia iis no isin lolon tomak maibe la iha sinais moris nian’’ Agusto Adelaide Pereira, dehan.
Entretantu, Komandu Polisia Nasional Timor Leste (PNTL) iha Munisipiu Covalima seidauk hatene motivu husi Jenila Solonitha Jordão Gusmão tinan 7 no Giovanio Jordão Gusmão nia mate, tanba ne’e Polisia sei esforsu halibur dadus halo Investigasaun hodi bele deskobre tanba isin mate Jenila no Giovanio hetan iha tanki be laran.
Engkuantu Isin Mate Jenila Solonitha Jordão Gusmão no Giovanio Jordão Gusmão, dadaun ne’e transporta on aba Ospital Nasional Guidu Valadares hodi halo Autopsia.
Jornalista : Alfredo Barreto
Editor : Lidun News